Oliver Laxe é a segunda figura homenaxeada no marco da sección Emerxentes, co que Cineuropa quere axudar espallar a obra de catro nomes sobranceiros no actual cinema galego. O propio Laxe fará unha introdución á súa obra e, tras as proxeccións, manterá un coloquio co público presente. A concelleira de Cultura e Centros Socioculturais, Socorro García Conde, presentou esta nova sesión retrospectiva do ciclo Emerxentes de Cineuropa, inaugurado mércores 11 coa sesión dedicada a Ángel Santos. Socorro García quixo agradecer a Oliver Laxe o feito de compartir co público de Cineuropa un avance da súa obra máis recente. Ao fío, o director do festival, José Luis Losa, quixo destacar a "mirada abraiante, por diversa" de Oliver Laxe, e destacou tamén que o público de Cineuropa terá a oportunidade de asistir a unha obra en formación. Fuente: Ayuntamiento de Santiago de Compostela
|