Sánchez Bugallo fala cun dos usuarios da liña.
Conversando con outra usuaria na parada da praza de Galicia.
O alcalde; o concelleiro de Transportes, Carlos Nieves; e responsables de Tussa e Mosquera realizaron o percorrido.
O alcalde compostelán, Xosé A. Sánchez Bugallo, fixo o percorrido entre San Roque e Aríns na estrea do novo autobús que cubre este liña de transporte urbano, a número 7. O Concello e a operadora de Transportes Mosquera apostan por unha clara mellora do servizo coa adquisición deste vehículo, que tivo un custo de 263.000 euros.
Este cambio de autobús supón unha considerable mellora en tres aspectos fundamentais: a seguridade, a sostibilidade e a accesibilidade. Ademais, segundo indicou o alcalde, trátase de dar un bo servizo a unha liña que está en expansión e que o estará máis no futuro cando se constrúan os dous polígonos de vivendas previstos para a área de Aríns previstos no PXOM, que prevén unhas 2.000 vivendas.
A liña 7 do transporte urbano é a que une o centro da cidade cos barrios de Sar, Aríns e Fornás. Dende o ano 2005 é a empresa Transportes Mosquera a encargada de realizar este servizo que no ano 2007 usaron un total de 224.174 usuarios, o que supuxo un 3,05% do total da rede de transporte urbano.
Fuente: Ayuntamiento de Santiago de Compostela
|