|
A proposta da Alcaldía do Concello, a Xunta de Goberno aprobou hoxe encomendar ao Consorcio a xestión da primeira fase da reurbanización da rúa do Home Santo, ubicada no entorno do barrio de San Pedro. Será tamén a entidade interadministrativa quen redacte a segunda fase desta obra, que actuaría sobre a praza do Home Santo, incluído o soterramento dos centros de transformación e a escalinata de acceso á praza da estación e zona verde adxacente.
Non foi o único punto desta sesión da Xunta de Goberno Local relativo ao Consorcio, xa que se aprobaron as bases reguladoras do procedemento de selección de edificios para a súa inclusión no Programa de Edificios Tutelados e a convocatoria, fixando un prazo de dous meses contados dende a publicación no BOP das citadas bases para a presentación de solicitudes. O crédito achegado polo Consorcio para esta convocatoria é de 500.000 euros.
Fuente: Ayuntamiento de Santiago de Comspotela
| 
