Sánchez Bugallo explicou que a razón destas sesións extraordinarias é fundamentalmente a esixencia da Xunta de xustificación de gastos asociados a convenios antes do mércores 9 de decembro. Á marxe disto, comentou algúns dos puntos da Xunta de Goberno, como a adxudicación definitiva dun dos contornos urbanos de acceso á cidade, en concreto o tramo Galeras – Salvadas – Vista Alegre, por importe de 2.837.123 euros máis IVE. Cidade Histórica Outras obras adxudicadas, neste caso provisionalmente, son as correspondentes ao campo e costa do Cruceiro do Gaio, por un importe de 663.701 euros máis IVE. O mesmo trámite acordouse para as obras de reurbanización da rúa San Clemente, no segundo tramo da rúa Raxoi, neste caso cun orzamento de 783.000 euros. Xa de xeito definitivo, adxudicáronse as obras de reurbanización do espazo público da Calzada de San Pedro, cu investimento previsto de 299.686 euros mais IVE. Fuente: Ayuntamiento de Santiago de Compostela
|